"Норвич" клуби бош мураббийи Дин Смит "МЮ"га мағлубиятда ҳакамни айблади. У бу ҳақида шундай деди:
"Мен пенальти белгиланган вазиятни қайтадан кўриб чиқдим. Тўғри, контакт бор эди. Аммо мен сизга шунга ўхшаш вазиятларни беш-олтиталаб келтириб бера оламан. Аммо бизга шундай вазиятлар учун пенальти белгилаб берилмади. Биз бунда адолат бўлишини, изчилликни хоҳлаймиз. Бироқ ҳакам бундай қилмади. Ҳакам "МЮ"га жуда осонлик билан пенальти қўйиб берди. Биламан, менинг гапларим аламзада мағлубники каби янграётган бўлиши мумкиндир. Аммо биз бу ўйинда мағлубиятга лойиқ эмасдик".
Ушбу ўйиндан кейин "канарейкалар" турнир жадвалида сўнгги ўринда қолиб кетадиган бўлишди. Улар кейинги ўйинни ўз майдонида, "Астон Вилла"га қарши ўтказади.
