Qishki transfer oynasida «Barselona» va «Liverpul» o‘zaro futbolchi almashishi mumkin. Transfermarketweb nashri xabariga ko‘ra, ispaniyalik yarimhimoyachi Tiago Alkantara «Kamp Nou» egalari safiga o‘tishi mumkin, gollandiyalik yarimhimoyachi Frenki de Yong esa Angliya Premyer ligasi jamoasiga o‘tadi.

Avvalroq, «ko‘k-anorranglilar» bosh murabbiyi Xavi Ernandes yanvar oyida futbolchidan qutulish niyati borligini malum qilgandi. Mutaxassisning fikricha, Alkantara uning o‘yin uslubiga ko‘proq mos keladi.

Shu bilan birga, kelishuv qanday shartlar asosida amalga oshirilishi hozircha nomalum, chunki de Yong Alkantaradan 60 million yevro qimmatroq baholanmoqda.