Mamlakatimizda 2021 yilgi futbol mavsumi o‘z nihoyasiga etib bormoqda. Barcha rasmiy musobaqalar yakunlanib, yil sarhisobini amalga oshiradigan payt ham borgan sayin yaqinlashmoqda.

Ortda qolayotgan yil hech shubxasiz o‘zbek futboli tarixida o‘z izini qoldiradi. 2021 yil mobaynida turli yoshdagi terma jamoalarimiz, shuningdek yurtimiz sha’nini xalqaro maydonda himoya qilgan klublarimiz ko‘plab yodda qolarli uchrashuvlarni o‘tkazishdi, Coca-Cola Superliga, mamlakat kubogi va boshqa ko‘plab ichki musobaqalarimiz juda shiddatli va murosasiz o‘yinlarga boy bo‘lgani hamda kurash oxirgi turlarga qadar davom etgani bilan uzoq vaqt xotiramizda qoladi.

Yil davomida o‘zini har jihatdan namoyish etgan holda futbolimiz jamoatchiligi e’tirofiga sazovor bo‘lgan futbolchi, futzalchi, murabbiy hamda yana ko‘plab futbol jonkuyarlarini taqdirlash maqsadida O‘FA hamda O‘zPFL mavsum yakunlariga bag‘ishlab Yilning eng yaxshilarini taqdirlash marosimi –  UZ Football Awards  tadbirini o‘tkazadi.

 UZ Football Awards marosimi joriy yilning 25 dekabr kuni ZO‘R TV ning Renaissance Hall  tantanalar zalida bo‘lib o‘tadi.