“Barselona” hujumchisi Serxio Aguero matbuot anjumanida professional faoliyatini yakunlayotganini ma’lum qildi.

30 oktyabr kuni 33 yoshli futbolchi Ispaniya chempionatining 11-turidan o‘rin olgan “Alaves”ga qarshi o‘yinda (1:1) jarohat olgandi. Argentinalik futbolchi birinchi bo‘limda taxikardiya hujumi tufayli almashtirilgandi. Tibbiy ko‘rik natijasida forvardga yurak aritmiyasi tashxisi qo‘yilgan.

Aguero kataloniyaliklar safida 2021 yilning may oyidan buyon o‘ynab kelmoqda edi. Avvalroq forvard “Manchester Siti”, “Atletiko” va “Independente” klublarida to‘p surgan.