"Paxtakor" yakunlangan mavsumda jami 37 o‘yinda maydonga tushdi.

Bellashuvlarning 26tasi Superliga, 6tasi Chempionlar Ligasi, 4tasi O‘zbekiston Kubogi va bittasi O‘zbekiston Superkubogiga to‘g‘ri keldi. Jami ko‘rsatkichlar shunday ko‘rinish oldi: 24 g‘alaba, 7 durang va 6 mag‘lubiyat.

Raqiblar darvozasiga umumiy hisobda 62 to‘p kiritildi. Jamoa o‘z darvozasidan 29 gol o‘tkazib yuborildi. 37 bahsning 21tasida "Paxtakor" darvozasi daxlsizligini saqlab qolgan.

Bu borada mutloq rekord 2006 yil qo‘lga kiritilgan. O‘shanda jamoa 136 bor raqiblar darvozasini ishg‘ol qilgan. Keyingi yaxshi natijalar 1993 yil 131 gol va 1998 yil 130 gol hisoblanadi. 1992 yildan beri hozirgacha jami 13 mavsumda "Paxtakor" raqib darvozasiga 100 va undan ko‘p gol urgan. 2002-2009 yillarda ketma-ket 8 yil gollar soni 100tadan oshgan.

Chempionat bahslarida eng ko‘p gol 1998 yilga to‘g‘ri keladi. O‘shanda 30 o‘yinda jamoa 96 to‘p kiritgan. 1993 yil O‘zbekiston Kubogida 49 gol raqib darvozalariga urilgan. 2019 yil esa 9 yillik tanaffusdan keyin kiritilgan to‘plar soni yana 100tadan oshib ketdi.

Har yili raqib darvozasiga urilgan gollar soni

1992 yil — 99
1993 yil — 131
1994 yil — 100
1995 yil — 85
1996 yil — 78
1997 yil — 87
1998 yil — 130
1999 yil — 84
2000 yil — 84
2001 yil — 92
2002 yil — 118
2003 yil — 114
2004 yil — 108
2005 yil — 100
2006 yil — 136
2007 yil — 110
2008 yil — 107
2009 yil — 103
2010 yil — 63
2011 yil — 60
2012 yil — 67
2013 yil — 58
2014 yil — 76
2015 yil — 81
2016 yil — 59
2017 yil — 44
2018 yil — 78
2019 yil — 115
2020 yil — 100
2021 yil — 62