"Barselona" Dortmundning "Borussiya" klubi hujumchisi Erling Holandni sotib olmoqchi.

Diario SPORT xabariga ko‘ra, Kataloniya klubi 21 yoshli forvardni kelasi yozda jamoaga olib kelish haqida jiddiy o‘ylamoqda. Holand uchun bu variant ma’qul, chunki u yerda jamoaning asosiy yulduzi u bo‘ladi.

Klub yozda "Barselona"ning moliyaviy ahvoli hozirgidan ancha yaxshi bo‘ladi deb hisoblamoqda. Biroq kelishuv faqatgina "ko‘k-anorranglilar" keyingi mavsumda Chempionlar ligasiga yo‘llanma olsagina amalga oshadi. Aks holda Holand "blaugranas"ning taklifini rad etadi.

Joriy mavsumda norvegiyalik futbolchi “Borussiya” safida barcha turnirlar doirasida 14 ta o‘yin o‘tkazib, 17 ta gol va 4 ta golli uzatmani amalga oshirgan.