"Барселона" Дортмунднинг "Боруссия" клуби ҳужумчиси Эрлинг Ҳоландни сотиб олмоқчи.
Diario SPORT хабарига кўра, Каталония клуби 21 ёшли форвардни келаси ёзда жамоага олиб келиш ҳақида жиддий ўйламоқда. Ҳоланд учун бу вариант маъқул, чунки у ерда жамоанинг асосий юлдузи у бўлади.
Клуб ёзда "Барселона"нинг молиявий аҳволи ҳозиргидан анча яхши бўлади деб ҳисобламоқда. Бироқ келишув фақатгина "кўк-анорранглилар" кейинги мавсумда Чемпионлар лигасига йўлланма олсагина амалга ошади. Акс ҳолда Ҳоланд "блаугранас"нинг таклифини рад этади.
Жорий мавсумда норвегиялик футболчи “Боруссия” сафида барча турнирлар доирасида 14 та ўйин ўтказиб, 17 та гол ва 4 та голли узатмани амалга оширган.
