"Chelsi" menejeri Tomas Tuxel yanvarda klub yangi o‘yinchi sotib olishiga ishora qildi. U o‘z intervyusida shunday deydi:

"Avvalo, Ben Chilvell bilan nima qila olishimizni aniqlab olishimiz kerak. Chunki hammasi Benga bog‘liq, uning qachon safga qaytishiga bog‘liq. Agarda u bilan vaziyat o‘zgarmasa, biz alternativ nomzod nomini ko‘rib chiqishimiz mumkin bo‘ladi. Shunday bo‘lsada, biz uchun Ben hamda Markos (Alonso)larning sog‘lig‘i birinchi o‘rinda turadi". 

Eslatib o‘tamiz, "Chelsi" o‘z maydonida "Everton" bilan durang qayd etgan.