Poytaxtimizda og‘ir atletika bo‘yicha jahon chempionatiga bugun yakun yasaldi. O‘zbekiston delegasiyasi mazkur musobaqada ham ikki kurash natijasida, ham barcha medallarni ham qo‘shib hisoblaganda umumjamoa hisobida ikkinchi o‘rinni band etdi.
"Katta" medallar (ikki kurash yig‘indisi) bo‘yicha vakillarimiz 2ta oltin va 3ta kumush medallarini qo‘lga kiritishdi. Bu borada yetakchilikni qo‘lga kiritgan Janubiy Koreya esa 4ta oltin, 1ta kumush va 2ta bronza medallariga ega chiqishdi. Uchinchi pog‘onani Tailand band etdi — 2ta oltin, 2ta kumush va 1ta bronza.
"Katta" va "kichik" medallar bilan qo‘shib hisoblaganda ham O‘zbekiston umumjamoa hisobida 2-o‘rinni egalladi. Atletlarimiz 6ta oltin, 6ta kumush va 2ta bronzaga ega chiqishdi. Bu boradan yetakchilikni qo‘lga kiritgan Janubiy Koreya 9ta oltin, 5ta kumush va 7ta bronza medallari bilan ortga qaytadigan bo‘ldi. Tailand esa 6ta oltin, 4ta kumush va 2ta bronza bilan kuchli uchlikka kirdi.
