“Bavariya” hujumchisi Robert Levandovski Bundesliganing 17-turida “Volfsburg”ga qarshi o‘yinda gol urdi. Bu gol polshalik hujumchi uchun bir kalendar yilida Germaniya chempionatida 43 gol bo‘ldi. U ilgari Gerd Myullerga tegishli bo‘lgan turnir rekordini yangiladi.

1972 yilda Gerd Myuller bir kalendar yilida 42 ta gol urdi. Shuningdek, “Bavariya”ning sobiq hujumchisi 1976 yilda Bundesligada 36 ta, 1968 yilda esa 35 ta gol urishga muvaffaq bo‘lgan. 

33 yoshli Levandovski joriy mavsum Germaniya chempionatining 17 ta o‘yinida 19 ta gol urdi va 17 ta golga assistentlik qilgan.