“Бавария” ҳужумчиси Роберт Левандовски Бундеслиганинг 17-турида “Вольфсбург”га қарши ўйинда гол урди. Бу гол польшалик ҳужумчи учун бир календар йилида Германия чемпионатида 43 гол бўлди. У илгари Герд Мюллерга тегишли бўлган турнир рекордини янгилади.

1972 йилда Герд Мюллер бир календар йилида 42 та гол урди. Шунингдек, “Бавария”нинг собиқ ҳужумчиси 1976 йилда Бундеслигада 36 та, 1968 йилда эса 35 та гол уришга муваффақ бўлган. 

33 ёшли Левандовски жорий мавсум Германия чемпионатининг 17 та ўйинида 19 та гол урди ва 17 та голга ассистентлик қилган.