Ispaniya La ligasining 18-turidan o‘rin olgan o‘yinda "Barselona" o‘z maydonida "Elche"ni mag‘lub etdi. "Kamp Nou" stadioni mezbonlik qilgan bahsda 3:2 hisobida yakuniga yetdi.
Birinchi bo‘limda Yutgla va Gavi kiritgan gollar kataloniyaliklarni tanaffusga xotirjam yo‘l olishini taminladi.
Biroq ikkinchi bo‘limda mehmonlar jonlanib qoldi va 2 daqiqa ichida ketma-ket 2 gol kiritib muvozanatni tikladi.
Taym yakunida zaxiradan maydonga tushirilgan Niko Gonsales mezbonlarning g‘alaba goliga mualliflik qildi. Yakuniy hisob – 3:2
La Liga, 18-tur
"Barselona" – "Elche" – 3:2
Gollar: Yutgla, 16 (1:0). Gavi, 19 (2:0). Tete Morente, 62 (2:1). Pere Milya, 63 (2:2). Gonsales, 85 (3:2)
Barselona: ter Shtegen, Jordi Alba, Langle, Garsiya, Arauxo, Buskets, de Yong (Puch, 76), Yutgla (Gonsales, 72), Dembele, Ezzalzuli
Elche: Badia, Moxika (Xosema, 83), Diyego Gonsales, Roko, Palasios, Fidel (Pere Milya, 60), Maskarel (Guti, 60), Markone (Xerard Gumbau, 46), Xosan (Tete Morente, 46), Boye, Lukas
