«Atletiko» bosh murabbiyi Diyego Simeone Ispaniya chempionatining 18-turi doirasida bo‘lib o‘tgan «Sevilya»ga qarshi o‘yin (1:2) borasida o‘z fikrini bildirib o‘tdi.

«Biz o‘yinni yaxshi boshladik, ammo Rakitich gol urdi. Birinchi bo‘limda umuman vaziyat yarata olmadik. Ikkinchi taymni yaxshi boshladik, «Sevilya» esa qarshi hujumga o‘tdi.

Qilgan harakatlarimiz samara berdi, ammo boshqa jihatlarda o‘sishga erishishimiz kerak. Biz golga yaqin kelgandik. Ammo bahs so‘ngida gol o‘tkazib yubordik.

Ahvolimiz og‘ir, natijalarimiz yaxshi emas. Ammo men avvalgi fikrimda qolaman. Ishlash kerak, safdan chiqqan futbolchilarning sog‘ayishini kutish kerak, o‘zimizga bo‘lgan ishonchni oshirishimiz zarur. Barcha maromida ishlagan paytda ishonch qaytadi. Xotirjamlikni saqlashimiz kerak.

Biz 10 yildan buyon La liganing yuqor pog‘onalarida yuribmiz. Men jamoaga kelganimda, peshqadamdan 10 ochko ortda yurish odatiy holat edi. Afsuski, hozir yana shunday holatga tushib qoldik. Vaziyatni o‘nglash uchun o‘zimizda kuch topishimiz kerak.

Mas’uliyat mening zimmamda va vaziyatni o‘nglamoqchimiz», – dedi Simeone.