«Атлетико» бош мураббийи Диего Симеоне Испания чемпионатининг 18-тури доирасида бўлиб ўтган «Севилья»га қарши ўйин (1:2) борасида ўз фикрини билдириб ўтди.

«Биз ўйинни яхши бошладик, аммо Ракитич гол урди. Биринчи бўлимда умуман вазият ярата олмадик. Иккинчи таймни яхши бошладик, «Севилья» эса қарши ҳужумга ўтди.

Қилган ҳаракатларимиз самара берди, аммо бошқа жиҳатларда ўсишга эришишимиз керак. Биз голга яқин келгандик. Аммо баҳс сўнгида гол ўтказиб юбордик.

Аҳволимиз оғир, натижаларимиз яхши эмас. Аммо мен аввалги фикримда қоламан. Ишлаш керак, сафдан чиққан футболчиларнинг соғайишини кутиш керак, ўзимизга бўлган ишончни оширишимиз зарур. Барча маромида ишлаган пайтда ишонч қайтади. Хотиржамликни сақлашимиз керак.

Биз 10 йилдан буён Ла лиганинг юқор поғоналарида юрибмиз. Мен жамоага келганимда, пешқадамдан 10 очко ортда юриш одатий ҳолат эди. Афсуски, ҳозир яна шундай ҳолатга тушиб қолдик. Вазиятни ўнглаш учун ўзимизда куч топишимиз керак.

Масъулият менинг зиммамда ва вазиятни ўнгламоқчимиз», – деди Симеоне.