FIFA futbol bo‘yicha erkaklar va ayollar o‘rtasidagi jahon chempionatini har ikki yilda o‘tkazish g‘oyasi bo‘yicha keng qamrovli so‘rovnoma o‘tkazdi va uning natijalarini e’lon qildi.

So‘rovnoma shu yilning avgustidan noyabrigacha bo‘lgan muddatda o‘tkazildi va unda 77 mingdan ortiq kishi ishtirok etdi. Respondentlardan, agar Mundial har ikki yilda o‘tkazilsa-yu, ammo o‘yinchilarga tushadigan jismoniy yuklama oshmasa, musobaqani tomosha qilasizmi, deya so‘raldi.

O‘zini futbol muxlisi deb atagan 30390 kishilarning 63,7 foizi erkaklar o‘rtasida JCHni har ikki yilda tomosha qilishga tayyor ekanini ma’lum qilgan bo‘lsa, 23,3 foizi esa "balki" deya javob bergan. 11% kishilar bunga qarshi ekanini aytishgan bo‘lsa, 2% odamlar aniq fikr bildira olishmagan. Ayollar o‘rtasida JCHni tez-tez o‘tkazish g‘oyasiga 52,4% muxlis qarshi chiqqan.

JCHni har 2 yilda o‘tkazish g‘oyasini 25-34 yosh orilig‘idagi insonlar ko‘proq qo‘llab-quvvatlagan, bo‘lsa, yoshi 55dan oshgan bunga salbiy munosabatda bo‘lishgan.

Qit’alar bo‘yicha JCHni tez-tez o‘tkazish fikrini qit’alar bo‘yicha qo‘llab-quvvatlash foizi quyidagicha bo‘lgan: Afrika — 76%, Osiyo — 66% , Janubiy Amerika — 54%, KONKAKAF mintaqasi — 53%, Yevropa — 48%.

Mazkur g‘oyani eng kam qo‘llab-quvvatlagan mamlakatlar: Anglii (53% – qarshi), Germaniya (50%) va Fransiya (42%).

Ushbu g‘oyani eng ko‘p qo‘llab-quvvatlagan mamlakatlar: Turkiya (87% – rozi), Hindiston (85%) va Janubiy Afrika Respublikasi (85%).