Madridning “Real” klubi bosh murabbiyi Karlo Anchelotti Ispaniya chempionatining 18-turi doirasida “Kadis”ga qarshi o‘yindan oldingi fikrlari bilan o‘rtoqlashdi.

"Real" yaxshi tayyorgarlik ko‘rgan, o‘z yuziga ega jamoa bilan o‘ynaydi. "Kadis" standart vaziyatlardan foydalanishda va qarshi hujumda ajoyib. Aytish kerakki, oxirgi paytlarda himoyada juda yaxshi o‘ynadik. Bu mavsum boshidan buyon biz eng ko‘p yaxshilangan jihatdir."

Murabbiy koronavirus bilan bog‘liq yo‘qotishlar bilan bog‘liq vaziyatga ham izoh berdi.

“Tarkibimiz hozirgi yo‘qotishlarga bardosh bera oladi. "Real Madrid" o‘yinlarni keyinga qoldirish haqida o‘ylamadi. Virus avvalgidek kuchli emas. Ha, biz ehtiyot bo‘lishimiz kerak, lekin biz ham ishlashda davom etishimiz kerak. Bu borada klub juda talabchan va har kuni test sinovlarini tashkil qiladi. Ammo biz oldinga qarashimiz kerak”, dedi u.

"Real Madrid" va "Kadis" uchrashuvi 19 dekabr kuni bo‘lib o‘tadi. O‘yin Toshkent vaqti bilan 01.00da boshlanadi.

Ispaniya chempionatining 17-turidan keyin “Real Madrid” 42 ochko bilan turnir jadvalida peshqadamlik qilmoqda. Kadis 13 ochko jamg‘arib, 18-pog‘onada bormoqda.