Мадриднинг “Реал” клуби бош мураббийи Карло Анчелотти Испания чемпионатининг 18-тури доирасида “Кадис”га қарши ўйиндан олдинги фикрлари билан ўртоқлашди.
"Реал" яхши тайёргарлик кўрган, ўз юзига эга жамоа билан ўйнайди. "Кадис" стандарт вазиятлардан фойдаланишда ва қарши ҳужумда ажойиб. Айтиш керакки, охирги пайтларда ҳимояда жуда яхши ўйнадик. Бу мавсум бошидан буён биз энг кўп яхшиланган жиҳатдир."
Мураббий коронавирус билан боғлиқ йўқотишлар билан боғлиқ вазиятга ҳам изоҳ берди.
“Таркибимиз ҳозирги йўқотишларга бардош бера олади. "Реал Мадрид" ўйинларни кейинга қолдириш ҳақида ўйламади. Вирус аввалгидек кучли эмас. Ҳа, биз эҳтиёт бўлишимиз керак, лекин биз ҳам ишлашда давом этишимиз керак. Бу борада клуб жуда талабчан ва ҳар куни тест синовларини ташкил қилади. Аммо биз олдинга қарашимиз керак”, деди у.
"Реал Мадрид" ва "Кадис" учрашуви 19 декабрь куни бўлиб ўтади. Ўйин Тошкент вақти билан 01.00да бошланади.
Испания чемпионатининг 17-туридан кейин “Реал Мадрид” 42 очко билан турнир жадвалида пешқадамлик қилмоқда. Кадис 13 очко жамғариб, 18-поғонада бормоқда.
