Londonning “Chelsi” klubi bosh murabbiyi Tomas Tuxel germaniyalik yarim himoyachi Kay Xavers haqidagi fikrlari bilan o‘rtoqlashdi.

"U juda ko‘p harakat qiladi. Biz unga ko‘proq gol urishni eslatishimiz shart emas, chunki u hujumchi pozisiyasida yoki o‘sha pozisiyaga yaqin o‘ynaydi, ya’ni futbolchilarning o‘zi gol urishni xohlaydi. Biz hammadan gol va golli uzatma talab qilamiz.

U yosh va hali ham moslashayapti. U "Chelsi"da top-daraja o‘yinchisi bo‘lish uchun salohiyat va xarakterga ega, lekin u hali ham o‘sib bormoqda va u to‘laqonli futbolchi bo‘lish uchun uzoq yo‘l bosib o‘tishi kerak", - dedi germaniyalik mutaxassis.

Havers joriy mavsumda Premyer-liganing 14 o‘yinida 2 ta gol urdi.