La Liganing 18-turidan o‘rin olgan "Real Madrid" – "Kadis" (0:0) uchrashuvi haqida qiziqarli fakt va statistikalar bilan tanishing.
– “Real” raqib darvozasi tomon 36 ta zarba berdi, ularning 9 tasi darvoza tomon aniq bordi;
– Eden Azar joriy mavsumda ilk bor bir o‘yinda to‘liq 90 daqiqa harakat qildi;
– Madridliklar 81,95% vaqt mobaynida to‘pga egalik qildi. Bu 2005/06 yilgi mavsumdan keyingi eng yaxshi natija bo‘ldi. O‘shanda ham bu natija “Kadis”ga qarshi o‘yinda qayd etilgandi;
– Kazemiro mazkur bahsda 32 marta to‘pni yo‘qotdi. Bu braziliyalik futbolchi uchun “Real” safidagi antirekord hisoblanadi;
– “Real”ning La Ligadagi o‘nta o‘yindan iborat g‘alabali seriyasi yakun topdi. So‘nggi bor Anchelotti jamoasi oktyabr oxirida “Osasuna”ni yenga olmagandi;
– Vinisius Junior “Real” safida La Ligada 100 ta o‘yin o‘tkazgan yettinchi braziliyalik futbolchiga aylandi.