O‘tgan yozida Krishtianu Ronaldu va Lionel Messi klublarini o‘zgartirib, mos ravishda “Yuventus” va “Barselona”ni tark etishdi. Qizig‘i shundaki, portugal va argentinalik futbolchilar 2021 yildagi “keksa sinyora” va “ko‘k-anorranglilar”ning eng yaxshi to‘purarlari bo‘lib qolmoqda. Turin va Kataloniya jamoalari hujumida yangi yetakchilar yo‘qligini klub o‘yiniga, shuningdek natijalariga katta ta’sir o‘tkazmoqda, deyu xabar beradi “Sport360” nashri.
2021 yilning birinchi qismida Krishtianu Ronaldu “Yuventus” safida 20 ta, Lionel Messi esa “Barselona” tarkibida 28 ta gol urishga erishgan edi.
Qizig‘i shundaki, “Yuventus” va “Barselona” hozirda A seriya va La Liga turnir jadvalida mos ravishda yettinchi o‘rinni egallab turishibdi.
