Kataloniyaning “Barselona” klubi hamon “Manchester Siti” futbolchisi Ferran Torresni qo‘lga kiritishga harakat qilmoqda. Kataloniyaliklar futbolchi uchun avvalgi taklifni 50 million yevroga ko‘tarishgan. “Siti” esa 60 million yevro talab qilmoqda.
Ispan nashrlari tarqatgan xabarga ko‘ra, “Barsa” Torresga muqobil variant sifatida “Chelsi” futbolchisi Hakim Ziyeshni ko‘rmoqda. Futbolchining “aristokratlar” bilan shartnomasi 2025 yilgacha amal qiladi. Uning bozor qiymati 38 million yevroni tashkil qiladi.
Ma’lumot o‘rnida, marokashlik futbolchi ushbu mavsum “Chelsi” safida 10 ta uchrashuvda maydonga tushib, 1 gol va 2 golli uzatma muallifiga aylangan.
