Каталониянинг “Барселона” клуби ҳамон “Манчестер Сити” футболчиси Ферран Торресни қўлга киритишга ҳаракат қилмоқда. Каталонияликлар футболчи учун аввалги таклифни 50 миллион еврога кўтаришган. “Сити” эса 60 миллион евро талаб қилмоқда.
Испан нашрлари тарқатган хабарга кўра, “Барса” Торресга муқобил вариант сифатида “Челси” футболчиси Ҳаким Зиешни кўрмоқда. Футболчининг “аристократлар” билан шартномаси 2025 йилгача амал қилади. Унинг бозор қиймати 38 миллион еврони ташкил қилади.
Маълумот ўрнида, марокашлик футболчи ушбу мавсум “Челси” сафида 10 та учрашувда майдонга тушиб, 1 гол ва 2 голли узатма муаллифига айланган.
