“Real” futbolchilari Isko va Luka Yovich jamoani tark etishi mumkin, deb xabar beradi “Defencal Central” nashri.  

Manbaga ko‘ra, “Everton” bosh murabbiyi Rafael Benites o‘z jamoasida mazkur futbolchilarni ko‘rishni istamoqda. Liverpulliklar yanvar oyida futbolchilarni ijaraga olishga tayyor.

O‘tgan mavsumda Isko 29 ta o‘yinda maydonga tushib, 2 ta golli uzatmani amalga oshirgan. Yovich 2020/21 yilgi mavsumning ikkinchi qismini Frankfurtning «Ayntraxt» klubida o‘tkazdi. Hujumchi Bundesligada 18 ta o‘yin o‘tkazib, 4 ta gol urdi va 4 ta assistentlik qilgan.