"Manchester Yunayted" yangi bosh murabbiyi Ralf Rangnik jamoaning mashg‘ulot jarayoniga maxsus qoida joriy qildi. Bu haqda "The Telegraph" xabar tarqatdi.

Qoidaga ko‘ra, murabbiy futbolchilarga ayrim vazifalarni bajarish uchun cheklangan vaqt bermoqda. Ya’ni, futbolchilar tezkor hujumni amalga oshirishlari uchun 10 soniya, yo‘qotilgan to‘pni olib qo‘yish uchun 8 soniya berilmoqda.

Ralf "DW’s Kickoff!"ga bergan intervyusida buni quyidagicha tushuntirdi: "O‘yinchilar vaqt o‘tib borayotgani haqidagi ma’lumotni eshitishlari mumkin. Ular 8 soniya ichida to‘pni qaytarib olishlari va to‘pni yakuniy zarbaga qadar 10 soniyada yetkazishlari lozim.

Bunday qoida ilk mashg‘ulotlarda futbolchilarni shoshirib qo‘ydi, ammo keyinchalik ular tezkor fikrlay boshlashdi. Ular o‘yin uslubiga moslashib borishmoqda hamda futbolchilarning harakatlari tezlashmoqda", — dedi Rangnik.