"Tottenxem" direktori Fabio Paratichi "Chelsi" futbolchisini xarid qilish imkoniyatlarini ko‘rib chiqmoqda. Xabarlarga ko‘ra, u yopiq eshiklar ortida himoyachi Antonio Ryudigerning yaqin kelajagini o‘z jamoasi bilan bog‘lashga harakat qiladi.
28 yoshli futbolchi "Chelsi" taklif etgan yangi bitimni rad etgan edi. Bu esa boshqa klublarga imkon taqdim etdi. Ryudiger "Chelsi"ga aynan hozirgi "Tottenxem" ustozi Konte tomonidan 35 million yevroga xarid qilingan edi. Shu sabab, har ikki tomon yana Londonda birlashishini taxmin qilish mumkin.
