«Salernitana» jamoasi A Seriyaning 19-tur doirasida «Udineze»ga qarshi bo‘ladigan safar o‘yiniga tashrif buyurmaganligi haqida musobaqa tashkiloti matbuot xizmati xabar bermoqda.

Jamoa tarkibida uchta futbolchida koronavirus aniqlanganligi sababli, uchrashuvga tashrif buyurmadi. A Seriya va «Udineze» o‘yinni boshqa muddatga qoldirishdan bosh tortdi, koronavirus bo‘yicha uchta holat qayd etilsa, kovid-protokallariga mos kelmasligi ta’kidlandi.

«Udineze» va o‘yinni boshqarib boradigan hakamlar brigadasi stadionga tashrif buyurdi va oradan 45 daqiqa o‘tgach, bosh hakam o‘yin boshlanganligi haqidagi hushtagini chaldi, biroq, o‘yin o‘tkazilmadi.

Shu tariqa, «Salernitane» jamoasiga 0:3 hisobida texnik mag‘lubiyat yoziladi. Klub ushbu qarordan shikoyat qilishi va o‘yinni boshqa muddatga ko‘chirish uchun kurashishi mumkin.