«Real» Ispaniya chempionatining 21-turidan o‘rin olgan, ammo oldinga surilgan bahs doirasida «Atletik Bilbao» klubi mehmoni bo‘ladi.
Karlo Anchelotti boshchiligidagi murabbiylar shtabi mazkur o‘yin uchun kengaytirilgan tarkibga 21 nafar futbolchini kiritdi.
Marko Asensio, Garet Beyl, Rodrigo Goes, Andrey Lunin, Marselo, Luka Modrich, David Alaba va Isko koronavirus tufayli bugungi bahsda ishtirok eta olishmaydi. Kazemiro esa diskvalifikasiya tufayli qaydnomada kiritilmadi. Shu bois, «Kastilya»ning 7 nafar o‘yinchisi qaydnomaga kiritildi.
«Real Madrid»ning «Atletik»ga qarshi qaydnomasi:
Davrozabonlar: Tibo Kurtua, Toni Fuidias, Diyego.
Himoyachilar: Eder Militao, Xesus Valyexo, Nacho Fernandes, Ferlan Mendi, Migel Gutyerres, Rafa Marin.
Yarim himoyachilar: Toni Kroos, Federiko Valverde, Lukas Vaskes, Eduardo Kamavinga, Antonio Blanko, Serxio Arribas, Peter Federiko.
Hujumchilar: Eden Azar, Karim Benzema, Luka Yovich, Vinisius Junior, Mariano Dias.
