Moskvaning "Lokomotiv" klubi tahlilchisi Evan Sharp "Manchester Yunayted"da Ralf Rangnikning yordamchisiga aylanadi, deya xabar beradi jurnalist Fabrisio Romano.
Ma’lumotlarga ko‘ra, mutaxassis tez orada “qizil iblislar” murabbiylar shtabiga borib qo‘shiladi.
“Manchester Yunayted”da bosh murabbiy yordamchisi bo‘lib ishlagan Kiran Makkenna klubni tark etib, “Ipsvich” klubiga borib qo‘shilgach, Rangnik Sharp bilan shartnoma imzolashga qaror qildi.
Qayd etish joiz, Sharp "Lokomotiv"ga shu yilning noyabr oyida, Rangnik Moskva klubining sport va rivojlanish bo‘limi boshlig‘i bo‘lgan paytda kelib qo‘shilgan edi. Bungacha Sharp “Toronto” va “Nyu-York Red Bullz” klublarda ishlagan.
