Москванинг "Локомотив" клуби таҳлилчиси Эван Шарп "Манчестер Юнайтед"да Ралф Рангникнинг ёрдамчисига айланади, дея хабар беради журналист Фабрицио Романо.
Маълумотларга кўра, мутахассис тез орада “қизил иблислар” мураббийлар штабига бориб қўшилади.
“Манчестер Юнайтед”да бош мураббий ёрдамчиси бўлиб ишлаган Киран Маккенна клубни тарк этиб, “Ипсвич” клубига бориб қўшилгач, Рангник Шарп билан шартнома имзолашга қарор қилди.
Қайд этиш жоиз, Шарп "Локомотив"га шу йилнинг ноябр ойида, Рангник Москва клубининг спорт ва ривожланиш бўлими бошлиғи бўлган пайтда келиб қўшилган эди. Бунгача Шарп “Торонто” ва “Нью-Йорк Ред Буллз” клубларда ишлаган.
