Londonning “Arsenal” klubining gabonlik hujumchisi Pyer-Emerik Obameyang yaqin kunlarda klubini o‘zgartirishi mumkin.

ESPN xabariga ko‘ra, "kanonirlar" yanvar oyidagi transfer oynasida hujumchini sotishga tayyor. Avvalroq, gabonlik futbolchi tartibni buzgani uchun sardorlik bog‘ichidan mahrum bo‘lgandi.

Manbaga ko‘ra, Obameyang va "Arsenal" o‘rtasidagi munosabatlardagi vaziyat hali ham normallashishi mumkin, biroq taklif tushsa, klub buni ko‘rib chiqadi.

Joriy mavsumda Premyer-ligada hujumchi 14 ta o‘yin o‘tkazib, 4 ta gol urgan.