«Roma» bosh murabbiyi Joze Mourinyo Italiya A seriyasining 19-turi doirasida bo‘lib o‘tgan «Sampdoriya»ga qarshi o‘yin (1:1) borasida o‘z fikrini bildirib o‘tdi.

«Birinchi bo‘limda har jihatdan muammoga duch keldik. Jamoa to‘liq konsentrasiyaga ega emasdi. To‘pni yo‘qotdik, tashabbus ko‘rsatmadik. Faqat Dzanyolo faol harakat qildi va munosib reaksiya ko‘rsata oldi.

Ikkinchi taymda yaxshiroq o‘ynadik, faol bo‘ldik, ko‘proq pressing uyushtirdik. Mxitaryanning pozisiyasini o‘zgartirganimizdan keyin vaziyatlar yarata boshladik va gol urdik. Ammo o‘ynashni istamaydigan jamoaga qarshi o‘ynash juda qiyin. Raqib bir ochko uchun yaxshi mehnat qildi. Ammo biz o‘z ishimizga bo‘lgan noto‘g‘ri munosabat tufayli durang natija qayd etildi. Bizga sifatli harakatlar yetishmadi», — dedi Mourinyo.