«Рома» бош мураббийи Жозе Моуриньо Италия А сериясининг 19-тури доирасида бўлиб ўтган «Сампдория»га қарши ўйин (1:1) борасида ўз фикрини билдириб ўтди.

«Биринчи бўлимда ҳар жиҳатдан муаммога дуч келдик. Жамоа тўлиқ концентрацияга эга эмасди. Тўпни йўқотдик, ташаббус кўрсатмадик. Фақат Дзаньоло фаол ҳаракат қилди ва муносиб реакция кўрсата олди.

Иккинчи таймда яхшироқ ўйнадик, фаол бўлдик, кўпроқ прессинг уюштирдик. Мхитаряннинг позициясини ўзгартирганимиздан кейин вазиятлар ярата бошладик ва гол урдик. Аммо ўйнашни истамайдиган жамоага қарши ўйнаш жуда қийин. Рақиб бир очко учун яхши меҳнат қилди. Аммо биз ўз ишимизга бўлган нотўғри муносабат туфайли дуранг натижа қайд этилди. Бизга сифатли ҳаракатлар етишмади», — деди Моуриньо.