Poytaxtimizdagi «Yunusobod» sport majmuasida yilning so‘nggi dzyudo musobaqasi - kattalar o‘rtasidagi O‘zbekiston chempionati davom etmoqda.
Bugun musobaqaning so‘nggi uchinchi kuni erkaklar -100, +100 kg, ayollar esa -78 va +78 kg vazn toifalarida tatamiga chiqadilar. Saralash bellashuvlari soat 10:00, final bahslari esa soat 17:00da boshlanadi.
Bugungi bellashuvlarda terma jamoa a’zolari Muzaffarbek, O‘tkirbek va Sherxon To‘raboyevlar, Bekmurod Oltiboyev, Alisher Yusupov, Shohruh Baxtiyorov, Irisxon Qurbonboyeva singari dzyudochilarimizning chiqishiga guvoh bo‘lamiz.