«Liverpul» bosh murabbiyi Yurgen Klopp «Lester»ga qarshi Angliya Liga kubogi 1/4 final uchrashuvi (3:3, 5:4) yakunlarini sarhisob qildi.
«Bugun ko‘p epizodlarda ko‘rsatgan o‘yinimiz, ruhimiz va mentalitetimizdan juda mamnunman. Albatta, birinchi bo‘limda bizga qiyin bo‘ldi.
Raqib yakkakurashlarda osonlikcha g‘alaba qozondi, qarshi hujumga o‘tishdi va oson gollar urishdi.
O‘zgartirishlar, albatta, yordam berdi. Jota yaxshi holatda va maydonga tushsa, u juda foydali harakat qila oladi. Yigitlar ajoyib o‘ynashdi, menga juda yoqdi.
Biz yarim finaldamiz, bu ajoyib», - deydi Klopp.