Angliya terma jamoasining sobiq a’zosi Gabriel Agbonlaxor "Arsenal" futbolchisi Martinelli haqida fikr bildirdi. U shunday deydi:

"Men uni asosiy tarkibda maydonga tushishi kerak deb hisoblayman. U bunga munosib. Chunki 20 yoshda futbolchilar, ayniqsa hujumchilar har bir o‘yinidan o‘ziga bo‘lgan ishonchni oshirib boradi. Gol urish esa o‘sishni belgilab beradi. Shunday ekan, Arteta yana katta kuchni yoshlar bilan ishlashga qaratishi lozim. Ishonchim komil, Martinelli, Saka hamda Smit-Rou porlashda davom etadi".

Eslatib o‘tamiz, Martinellining amaldagi bitimi 2024 yilga qadar tuzilgan. U "Arsenal" safida 63ta bahsda jami 16ta gol urishga erishgan.