Англия терма жамоасининг собиқ аъзоси Габриэл Агбонлахор "Арсенал" футболчиси Мартинелли ҳақида фикр билдирди. У шундай дейди:
"Мен уни асосий таркибда майдонга тушиши керак деб ҳисоблайман. У бунга муносиб. Чунки 20 ёшда футболчилар, айниқса ҳужумчилар ҳар бир ўйинидан ўзига бўлган ишончни ошириб боради. Гол уриш эса ўсишни белгилаб беради. Шундай экан, Артета яна катта кучни ёшлар билан ишлашга қаратиши лозим. Ишончим комил, Мартинелли, Сака ҳамда Смит-Роу порлашда давом этади".
Эслатиб ўтамиз, Мартинеллининг амалдаги битими 2024 йилга қадар тузилган. У "Арсенал" сафида 63та баҳсда жами 16та гол уришга эришган.
