"Manchester Siti" ustozi Pep Gvardiola APL qo‘llayotgan siyosatdan norozi ekanini bildirdi. U bu haqida shunday deydi:

"Futbolchilar va murabbiylar birlashib, amaliy harakat qilishimizga to‘g‘ri kelmoqda. Chunki ular uchun quruq gapning o‘zi yetarli bo‘lmayapti.Bu vaziyat hal qilinishiga ko‘zim yetmaydi. FIFA, UYEFA hamda Premyer-liga uchun futbolchilar sog‘ligi, omonligidan ko‘ra, biznes muhim! Bu yerda hamma o‘zi uchun qaror qabul qiladi. Biz futbolchilar sog‘lig‘ini o‘ylab gapirsak, o‘yinchilar assosiyasiyasi e’tibor qaratar. Balki, shunda boshqa tashkilotlar ham bizni o‘ylar. Ammo hozir bunday bo‘lmayapti".

So‘nggi paytlarda koronavirus bilan bog‘liq muammolar sabab, APLning ayrim o‘yinlari qoldirilgan edi. Ayrimlari esa, muammo borligiga qaramay, o‘tkazishga majbur qilingan. Bu esa Gvardiola va Klopp kabi murabbiylarning ye’tiroziga sabab bo‘lmoqda.