“Manchester Siti” “Tottenxem” hujumchisi Harri Keynga qiziqishda davom etmoqda. 

“The Athletic” nashrining yozishicha, “shaharliklar” bosh murabbiyi Pep Gvardiola hamon “Siti” 28 yoshli hujumchi bilan shartnoma imzolashini istamoqda.

Gvardiolaga yaqin manbalarning xabar berishicha, Pep hali ham Keynni “Manchester Siti” uchun mukammal futbolchi sifatida ko‘radi.

“Tottenxem”ning Keynni qo‘yib yuborishni istamasligi muammo bo‘lib qolmoqda.

“Manchester Siti” qishda hujumchi sotib olishga harakat qilishi dargumon, bu boradagi muzokaralar kelasi yozda boshlanadi.

Joriy mavsumda angliyalik futbolchi “Tottenxem” safida barcha turnirlarda 22 ta o‘yin o‘tkazib, 9 ta gol urdi (ulardan faqat ikkitasi Premyer-liga o‘yinlarida) va 2 ta golli uzatmani amalga oshirdi.

Ma’lumot o‘rnida, oldinroq, “Siti” Keynga boshqa qiziqish bildirmasligi haqida xabarlar tarqalgandi.