“Манчестер Сити” “Тоттенхэм” ҳужумчиси Ҳарри Кейнга қизиқишда давом этмоқда. 

“The Athletic” нашрининг ёзишича, “шаҳарликлар” бош мураббийи Пеп Гвардиола ҳамон “Сити” 28 ёшли ҳужумчи билан шартнома имзолашини истамоқда.

Гвардиолага яқин манбаларнинг хабар беришича, Пеп ҳали ҳам Кейнни “Манчестер Сити” учун мукаммал футболчи сифатида кўради.

“Тоттенхэм”нинг Кейнни қўйиб юборишни истамаслиги муаммо бўлиб қолмоқда.

“Манчестер Сити” қишда ҳужумчи сотиб олишга ҳаракат қилиши даргумон, бу борадаги музокаралар келаси ёзда бошланади.

Жорий мавсумда англиялик футболчи “Тоттенхэм” сафида барча турнирларда 22 та ўйин ўтказиб, 9 та гол урди (улардан фақат иккитаси Премьер-лига ўйинларида) ва 2 та голли узатмани амалга оширди.

Маълумот ўрнида, олдинроқ, “Сити” Кейнга бошқа қизиқиш билдирмаслиги ҳақида хабарлар тарқалганди.