"Liverpul" futbolchisi Takumi Minamino jamoaning asosiy futbolchisiga aylanishni istaydi. Bu haqida futbolchining o‘zi shunday deydi:
"Futbolchi sifatida men jamoamning har bir uchrashuvida qatnashishni istayman. Menimcha, mendagi umidsizlik barcha futbolchilarda bo‘lgani kabidir. Ya’ni istalgan hujumchi maydonga tushirilmasa, hafa bo‘ladi. Ammo men o‘zimdagi bu kabi hislarni ijobiy energiyaga aylantirishga harakat qilaman. Men o‘zimni ko‘rsatish, jamoani asosiy futbolchisiga aylanish uchun har kuni tinmay mehnat qilaman.
Shuning uchun ham o‘z umidsizligimdan motivasiya sifatida foydalanmoqdaman. Bosh murabbiy futbolchilarga har kuni motiv ulashadi. Maydonga tushirilmagan o‘yinlardan keyin Klopp menga ko‘proq harakatda bo‘lishim kerakligini aytadi. U har bir futbolchiga adolatli murabbiy. Men uni hurmat qilaman".
Eslatib o‘tamiz, 26 yoshli yapon hujumchisining "Lester"ga qarshi goli, so‘nggi daqiqalarda jamoasiga asqotgan edi. Bu orqali "Liverpul" yarim finalga yo‘l oldi.
