"Ливерпуль" футболчиси Такуми Минамино жамоанинг асосий футболчисига айланишни истайди. Бу ҳақида футболчининг ўзи шундай дейди:
"Футболчи сифатида мен жамоамнинг ҳар бир учрашувида қатнашишни истайман. Менимча, мендаги умидсизлик барча футболчиларда бўлгани кабидир. Яъни исталган ҳужумчи майдонга туширилмаса, ҳафа бўлади. Аммо мен ўзимдаги бу каби ҳисларни ижобий энергияга айлантиришга ҳаракат қиламан. Мен ўзимни кўрсатиш, жамоани асосий футболчисига айланиш учун ҳар куни тинмай меҳнат қиламан.
Шунинг учун ҳам ўз умидсизлигимдан мотивация сифатида фойдаланмоқдаман. Бош мураббий футболчиларга ҳар куни мотив улашади. Майдонга туширилмаган ўйинлардан кейин Клопп менга кўпроқ ҳаракатда бўлишим кераклигини айтади. У ҳар бир футболчига адолатли мураббий. Мен уни ҳурмат қиламан".
Эслатиб ўтамиз, 26 ёшли япон ҳужумчисининг "Лестер"га қарши голи, сўнгги дақиқаларда жамоасига асқотган эди. Бу орқали "Ливерпуль" ярим финалга йўл олди.
