"Nyukasl" hamda Angliya terma jamoalarining afsonaviy futbolchisi Alan Shirer Pyer-Emerik Obameyang haqida fikr bildirdi. U gabonlik hujumchi borasida shunday deydi:
"Mikel Arteta Obameyang borasida qilgan qarori juda katta ahamiyatga ega edi. Chunki Obameyang jamoa sardori bo‘lgan. Uning maoshi ham katta qiymatli. Shunday bir vaziyatda ham futbolchining o‘ynamasligi, istalgan murabbiyning jahlini chiqaradi. Arteta esa bunga javob berdi. Unga axloqiy jazo qo‘lladi. O‘ylashimcha, jamoaning qolgan futbolchilari Artetaning qaroriga qo‘shilishdi. Buni ularni ko‘rsatayotgan o‘yinidan ham bilib olishingiz mumkin".
Avvalroq Arteta Obameyang kelajagi haqida gapirishdan bosh tortgan edi.
