“Lids” vingeri Rafinya Londonning “Chelsi” klubining radariga tushdi. Bu haqda SportItalia manbasi xabar bermoqda.
Qayd etilishicha, “ko‘klar” kelasi yozda Rafinyani qo‘lga kiritishga harakat qiladi. “Lids” yetakchisi uchun “Chelsi”dan tashqari “Liverpul” va “Bavariya” ham faol kurash olib bormoqda.
Joriy mavsumda Rafinya Premyer-ligada 16 ta o‘yin o‘tkazishga muvaffaq bo‘ldi. Braziliyalik hisobida 8 ta gol va bitta muvaffaqiyatli uzatma bor.