"Arsenal" bosh murabbiyi Mikel Arteta jamoaning so‘nggi 5ta o‘yinida 19ta gol urganiga izoh berdi. U shunday deydi:

"Bunda hech qanday sir yo‘q. Shunchaki, biz yaxshiroq o‘ynay boshladik. Jamoa bir-birini yaxshiroq tushuna boshladi. Bizda azaldan yaxshi g‘oyalar bor edi. Ammo uni amaliyotga ko‘chirish oson bo‘lmagan. Hozir esa mana shuni yo‘lga qo‘ya oldik. Futbolchilar borgan sari to‘g‘ri qaror qilishni o‘rganib bormoqda. Golli vaziyatlardan maksimum foydalanish, o‘yinimizga mazmun berdi. O‘ylaymanki, shu zaylda davom etish uchun bizda hamma narsa bor".

Avvalroq "Arsenal" futbolchisi Lyakazett jamoani tark etishi haqida xabar qilingan edi.