"Byornli" bosh murabbiyi Shon Daych Angliya futbolidagi tig‘iz taqvim haqida gapirdi. An’anaga ko‘ra Angliyada Rojdestvo va Yangi yil bayramlarida ko‘plab o‘yinlar o‘tkaziladi.
“Futbolchilar uchun tig‘iz jadvalda o‘ynash qanchalik qiyinligini doimo eshitaman. O‘ylaymanki, futbolchilar o‘zlariga g‘amxo‘rlik qilishlari kerak. Ilgari Frenk Lempard kabi yigitlar bir mavsumda 60 ta o‘yin o‘tkazishgan va hech kim shikoyat qilmagan.
O‘sha paytda odamlar futbolchilarning ahvolidan shunchalik xavotirda bo‘lganini eslay olmayman”, - dedi Daych “Manchester Yunayted”ga qarshi o‘yin oldidan o‘tkazilgan matbuot anjumanida.
