"Бёрнли" бош мураббийи Шон Дайч Англия футболидаги тиғиз тақвим ҳақида гапирди. Анъанага кўра Англияда Рождество ва Янги йил байрамларида кўплаб ўйинлар ўтказилади.
“Футболчилар учун тиғиз жадвалда ўйнаш қанчалик қийинлигини доимо эшитаман. Ўйлайманки, футболчилар ўзларига ғамхўрлик қилишлари керак. Илгари Френк Лемпард каби йигитлар бир мавсумда 60 та ўйин ўтказишган ва ҳеч ким шикоят қилмаган.
Ўша пайтда одамлар футболчиларнинг аҳволидан шунчалик хавотирда бўлганини эслай олмайман”, - деди Дайч “Манчестер Юнайтед”га қарши ўйин олдидан ўтказилган матбуот анжуманида.