«Arsenal»ning sobiq futbolchisi, hozirda erkin agent bo‘lgan Jek Uilsher «Liverpul» hujumchisi Muhammad Saloh va «PSJ» forvardi Neymarni taqqosladi.
«Bu yerda men Muhammadni tanlagan bo‘lardim. Ko‘pchilik Salohni dunyoning eng yaxshi futbolchisi deb ataydi va men ham ularning fikriga qo‘shilaman.
Misrlik har qanday vaziyatda ham gol ura oladi. So‘nggi yillarda Saloh juda barqaror, hatto biroz qo‘rqinchli. Menimcha, u maqtovga loyiq shaxs», - deydi Uilsher.
Ma’lumot uchun, 29 yoshli futbolchi joriy mavsumda 19 o‘yinda 15 ta gol urdi va 9 ta golli uzatmani amalga oshirdi.
