"Arsenal" futbolchisi Granit Jaka APLda o‘ziga qo‘llangan jazolar haqida fikr bildirdi. U shunday deydi:
"Men dastlab APLga kelganimda hamma ushbu ligani murakkabligi haqida aytgan edi. Men esa qiyinchiliklarni yaxshi ko‘rishimni va APL aynan men istagan chempionat ekanini bildirganman. Ammo ba’zida keskinroq harakatlarim uchun menga darhol qizil kartochka ko‘rsatiladi. Bu narsa ba’zida meni o‘z maqsadlarim yo‘lidan qaytarib qo‘yadi.
Agar men o‘z istaganimcha o‘ynaganimda edi, har ikki yoki uch o‘yinda qizil bilan jazolangan bo‘lardim. Agar men tavakkal qilsam, boshqa APL futbolchilariga qaraganda qizilga yaqin kelishimni yaxshi bilaman. Shu sabab iloji boricha o‘zimni tavakkallardan tiyaman. Bu yerdagi ko‘plab hakamlar men haqimda ko‘pincha notog‘ri fikrlaydi. Bu esa meni xafa qiladi".
Granit Jaka "Arsenal"dagi faoliyati davomida 45 marta sariq kartochka, 4 marta esa qizil olgan.
