“Manchester Siti” bosh murabbiyi Xosep Gvardiola jamoaning APLdagi yetakchiligi haqida gapirdi.

"Biz "Brentford"ni mag‘lub etdik, biz yaxshi kayfiyatdamiz, ammo endi dekabr oyining oxiri. Oldinda ko‘plab o‘yinlar bor. Ha, biz 8 ochko oldindamiz, lekin hali qo‘lga kiritish mumkin bo‘lgan 54 ochko va juda ko‘p qiyin o‘yinlar bor. Chempionlik masalasi allaqachon hal bo‘ldi, desa, ishonmayman. "Chelsi" va "Liverpul" - ajoyib raqib. Ha, endi bizning oramizda farq bor, ammo bu ular ochko yo‘qotgani uchun emas, balki biz ketma-ket 10 uchrashuvda g‘alaba qozonganimiz uchundir", - deya Gvardiolaning so‘zlarini keltiradi Sky Sports.

"Manchester Siti" Angliya Premer-ligasida 20 uchrashuvda 50 ochko bilan peshqadamlik qilmoqda. “Chelsi” 20 o‘yinda 42 ochko bilan ikkinchi, “Liverpul” 19 o‘yinda 41 ochko bilan uchinchi o‘rinda.