“Манчестер Сити” бош мураббийи Хосеп Гвардиола жамоанинг АПЛдаги етакчилиги ҳақида гапирди.
"Биз "Брентфорд"ни мағлуб этдик, биз яхши кайфиятдамиз, аммо энди декабрь ойининг охири. Олдинда кўплаб ўйинлар бор. Ҳа, биз 8 очко олдиндамиз, лекин ҳали қўлга киритиш мумкин бўлган 54 очко ва жуда кўп қийин ўйинлар бор. Чемпионлик масаласи аллақачон ҳал бўлди, деса, ишонмайман. "Челси" ва "Ливерпул" - ажойиб рақиб. Ҳа, энди бизнинг орамизда фарқ бор, аммо бу улар очко йўқотгани учун эмас, балки биз кетма-кет 10 учрашувда ғалаба қозонганимиз учундир", - дея Гвардиоланинг сўзларини келтиради Sky Sports.
"Манчестер Сити" Англия Премер-лигасида 20 учрашувда 50 очко билан пешқадамлик қилмоқда. “Челси” 20 ўйинда 42 очко билан иккинчи, “Ливерпул” 19 ўйинда 41 очко билан учинчи ўринда.